عمرك مت قبل كده؟؟!!

عمرك حسيت بالموت أو عشته ولو للحظة واحدة ؟؟

عمرك شفت الموت بعينيك ؟؟؟

عمرك حضرت حد بيموت ؟؟؟

تذكروا الموت دائما فهو قادم ، قادم بدون سابق انذار ، ليس له ميعاد لكى نستقبله ، يأتى فى اى وقت

ياريت كل واحد يحكى قصة او موقف حصل معاه أو عاشه ، أو كارثة عاشها وربنا نجاك منها ؟؟؟

شكرا أسراء على مجهودك الجميل
[ندعوك للتسجيل في المنتدى أو التعريف بنفسك لمعاينة هذه الصورة]

الموت ....... اهو ده بعيشه كل يوم دايما فكراه على فكره ... بحس انى هاموت صغيره اوى يمكن دلوقتى وانا بكتب ممكن كمان ساعه ممكن ما كملش حتى ساعه

الموت حاجه مقلقه شويه بس انا مش بخاف منه

اقتباس :

ياريت كل واحد يحكى قصة او موقف حصل معاه أو عاشه ، أو كارثة عاشها وربنا نجاك منها ؟؟؟

انا عشت كارثتين ورى بعض ... الاولى وفات خالتوو الله يرحمها وبعديها ب 9 ايام والدى الله يرحمه بس الاقوى كانت بابا لانه مات ودامى كان واقف يدحك معانا قال دايخ ووقع ميت .. بجد ما تتخيلوش حالة الذهول والجمود اللى انا كنت فيها صدمه جامد

بس العجيب انى تانى يوم ككان عندى امتحان و الاعجب انى رحة امتحنت

ما تفهموش القوه جتلى اذاى اروح امتحن والحاجه اللى محيرانى انى نجحت فى الماده دى وجبت جيد فيها كمان ... صدق اولا تصدق

بصو انا اتخنقة ناووووو بس اللى اقدر اقوله ان الله يرحم والدى و جميع المسلمين وعلى فكره الموت مافهوش كبير خالص خالص وممكن يجى فجأه وممكن يجى على مراح

بس اللى انا شايفاه ودامى دايم ان احنا بنموت كل يوم بدليل النوم لان النوم موت مؤقت

ميرسي على التوبك الجامد اوى و القاسي فى نفس الوقت

شكرا ليك يا دهب علي ردك ونورت الموضوع

بس كان نفسي تقول قصه او موقف حصلك في الموضوع ده

فعلا يا كات عندك حق الموت ملهوش سن ولا وقت ممكن ييجي في اي وقت

واي لحظه وملهوش كبير ولا صغير ده شئ مكتوب وكل واحد ليه عمره

بس الاهم اننا نكون مستعدين للحظه دي في اي وقت

وبجد انا مش عارفه اقلك ايه يا كات غير ان ربنا يصبرك

ويرحمهم جميعا ويدخلهم فسيح جناته

والموت ده حاجه مكتوبه وكلنا لازم نموت ودي هي سنه الحياه

واسفه جدا اذا كنت خنقتك او ضايقتك بالموضوع

بس انا كان قصدي من الموضوع ان ساعات بتبقي في قصص عن الموت بتحصلنا او بتحصل

لغيرنا ممكن نتعلم منها وتفيدنا وكمان نقرب من بعض اكتر

بشكرك يا كات علي مرورك وردك

انا هحكيلكوا عن موقف حصلي برضه وكنت خلاص قريبه جداا من الموت وكان ممكن اموت

كنا مسافرين انا وماما وبابا واخواتي اسكندريه بالعربيه وكانت الدنيا بتمطر في الطريق

فبابا شغل المساحات علشان المطره فمره واحده لقينا المساحات ركبت فوق بعض معرفش

ايه السبب فبابا انشغل بيها وحاول يبعدهم عن بعض وانشغل بالمساحات وهو بيسوق

وفجأه والاقي العربيه بتلف جامد اووي حوالين بعضها بتعمل خمسات كده وعماله تدور جامد اوي

في وسط الطريق وبعدين تروح يمين اووي وشمال وطبعا احنا جوه العربيه

والله انا قلت خلاص اننا هنموت واتشاهدت وقلت الشهاده وخلاص قلت ميتيين ميتيين

وكان ربنا يعلم بينا ساعتها بس ربنا سترها الحمد لله العربيه راحت في حته كلها رمل ووقفت

وبعد كده الناس جم واطمنوا علينا والحمد لله جت سليمه

والحمد لله ان الطريق ساعتها كان فاضي مفيش عربيات قدامنا والا كنا اتقلبنا اواي حاجه

فده موقف حصل معايا بس بجد كان موقف صعب اوي ربنا ما يوريه لحد

الحمد لله ان ربنا ستر يا سوسو انا بردو زمان حصلنا موقف مشابه بس مش بالظبط كنا فى المملكه وكنا رجعين من مكه ورايحين الرياض المهم ما تعرفيش اذاى دخلنا الربع الخالى وكلها رمل وما كناش شيفين حاجه بابا قلنا نقفل الشبابيك وكنا خلاص هانتردم من التراب و الخنقه وماما اعدة تقرى قرأن وفاجأه الدنيا مطرة جامد وغسلة العربيه كمان والحمد لله عدة بخير بس انا كنت صغيره و كنت خايفه اوى لانى كنت مخنوقه

الحمد لله على كل شيء وذى ما قلة الموت موجود وبيجى فى اى وقت المهم فعلا يا سوسو نبقى مستعدين ليه

سبحان الله اللي خلي المطره تمطر في الوقت ده

ربنا سترها الحمد لله يا كات

وربنا يرحمنا برحمته ويحسن خاتمتنا جميعا

شكرا ليكي يا كات علي مرورك الجميل ده

ساعه لما بشوف البرق في السما

fire_of_win كتب:: ساعه لما بشوف البرق في السما

غريب اوي الرد ده انت اه ممكن تخاف لو شفت البرق لكن تحس انك هتموت لما تشوفه