<رامز جلال وهند صبري في برنامج الشقة بيتكلموا عن فؤش>

السلااااااام عليكم

من شوية كدة كان شغال برنامج(الشقة)علي قناة OTV
وبتقدمه الفنانة هند صبري

وكانت مستضيفة النهاردة رامز جلال .. وطبعا رامز كالعـادة أتكلم عن فؤاد

والمفروض في البرنامج أن الضيف بيروح ناحية جهاز علشان يشغل سيديهات أغاني وشغل ألبوم(دول مش حبايب)لجورج وسوف

قالت له بتحب مين تاني؟
قالها:بسمع كل المطربين
قالت له:لما تبقي في حالة حب بتسمع مين؟
قالها:بحب أسمع محمد فؤاد أوي لأن فؤاد من المطربين الجامدين جدا
قالت له:محمد فؤاد جميل وأنا عارفة أن أنتم أصحاب أصلا وأنت ليك أصدقاء كثير من المطربين
قالها:أة طبعا أن وفؤاد أصحاب جدا وفي مشروع فيلم جديد بيننا قريب بعد نجاح"غاوي حب" وليا أصدقاء بردة من المطربين زي مصطفي قمر,حمادة هلال

وبعد كدة سألته عن الأفلام الحلوة اللي شافها ونفسه يشتغل مع مين
قالها:عاوز أشتغل تاني مع محمد فؤاد,مني زكي,أحمد حلمي.وعاوز أشتغل مع أحمد السقا ومعاكي ومع الزعيم عادل أمام

وسألته بعدها:أية أحسن فيلم حبيت كواليسه؟
قالها:"غاوي حب"علشان كننا بنقع علي روحنا من الضحك أن وفؤاد وكل فريق العمل وغير كدة كمان الكواليس كانت لطيفة أوي لأن كل واحد فينا كان عاوز الفيلم يخرج بشكل حلو علشان ينجح ويعجب الناس وفي كمان كواليس"عيال حبيبة"و"الباشا تلميذ"

وبعدين قالتله:عمرك ماعملت موقف شرير مع حد؟
قالها:لأ أناعمري ماأذيت حد لكن كنت بعمل شوية مقالب كدة
قالتله:أية أخر مقلب عملته؟
قالها:كان مع محمد فؤاد وكنت شاري ولاعة كدة زي لعبة.ولما فؤاد مسكها عملت صوت فرقعة جامد

OTV
(برنامج الشقة