الموضوع ده قريته في منتدي وعجبني جداا لانه يعتبر بيمس ناس كتير في الزمن ده وقلت نناقشه هنا مع بعض
ازيكم يا شباب..كلمه شباب يعني رجاله...بتشيلو مسئوليه
انا حابب اتكلم معاكم فى موضوع
كان نفسى اتكلم فية من زمان قوى
موضوع مهم ولازم كلنا نشارك فية بأرائنا
وراس موضوع هتبين هوا بيتكلم عن اية
( انا الشغلانة دى مش من مقامى )
اكيد فى مننا مخلص دراسة وحتى اللى مش مخلص بيشوف الرموز دى كتير قوى فى الوقت دة
فية مننا معاة مؤهل عالى ومستنى بفارغ الصبر انة يتعين بحكم شهادتة اللىحصل عليها
بس المشكلة فى حاجة دلوقتى
بشوف كتير ان فية شباب لسة مش جة ليها اى تعيين وسنها كبر على انها تبقى قاعدة فى البيت وتطلب المصروف من اهلها
طيب انت هتفضل على كدة كتير ولا اية
هتفضل تستنى انك تتعين
وافرض يا اخى ان ربنا مش رايد انك تتعين فى اى مكان دلوقتى
شوف سنك وصل لكام سنة دلوقتى والعمر بيجري
بزمتك يعنى مش محرج وانت بتطلب المصروف من اهلك
اكيد اللى وصل ل سن 24 و25 واكتر من كدة لسة مش لاقى مكان يشتغل فية
المشكلة فى كدة يا جماعه والله
المشكلة الاكبر
انك لما بيكون فيهم حد من اصحابك
وبجد انت زعلان من الموقف اللى هوا فية دة
وبتيجى تنصحة يا ابنى شوف اى شغلانة دلوقتى مؤقتة لحد ما ربنا يسهل وتتعين
مش كفاية مصاريف اهلك على البيت واخواتك الصغيرين ومصاريف الدروس ليهم
اشتغل اى شغلانة دلوقتى اصرف بيها حتى على خروجك مع اصحابك
بدل ما تطلب منهم مصروف وانت فى السن دة
روح اشتغل فى اى كافية ولا فى محل موبيلات وفى اى كويس
اهوة يجيب حتى مصاريف خروجك معانا بالليل مثلا
شوفوا بيكون رد فعلة اية
بقى انا اشتغل الشغلانة دة ...هوا انت فية حاجة فى دماغك ولا اية
طبعا مش من مقامى اروح انزل طلبات لناس ولا اشتغل فى اى محل وبعدين هاخد 150 جنية ولا 200 جنية اعمل بيهم اية
هما مش الفلوس دى يا ابنى احسن ما تطلب من اهلك مصروف
وتلاقى ردة بيكون رخم ساعات
يقولك هوا انا مش اهلى ليا حق عليهم يصرفوا عليا ويجيبوا ليا كل حاجة انا عايزها
طبعا الكلام دة ماشى بس وانت لسة بتدرس لكن وانت كبير كدة وخلصت دراسة هما مش مسئولين عنك وعن مصاريفك
يقولك يصرفوا عليا لحد ما الاقى شغل
موضوع خطير بجد ومعظم الشباب بقى كدة دلوقتى
يا ترى الناس دى هتفضل على الحال دة كتير
وهما دول اللى بيزودا نسبة البطالة
ولا دة تكبر منهم على الشغل العادى المؤقت
واية الحل من وجة نظركم فى مشكة زى دى ويا ترى هتتحل ولا هتزيد
واتمني بجد المشاركه من الكل