من غرائب محبي فؤاد, الحاجة عفاف؟

[ندعوك للتسجيل في المنتدى أو التعريف بنفسك لمعاينة هذه الصورة]

ازيكو يافؤادية منورين المنتدي والله اكيد عنوان الموضوع شدكوا وانا هدخل في الموضوع علي طول

وانا فى زيارة لدار المسنين
ابدا قصة الحاجة عفاف
ست كبيرة قاعده وباين عليها ملامح الكبر وقسوة هذا الزمان
الموبايل بتاعي يرن ويقولي طمني عليك

الحاجة عفاف: الله حلو اوي الالبوم الجديد بتاع فؤاد
وانتي سمعتيه ياحاجه؟؟؟؟؟؟؟؟؟؟
قالتلي طبعا
فوجئت بحالة ذهول ازاي ياعني؟؟؟؟؟ وبصيت في اوضتها مالقيتش كاسيت ولا اي حاجه تسمع بيها الشريط

الحاجة عفاف: اصل انا عندي ام بي ثري
وانا طبعا مت علي نفسي من الضحك وروحت قايلها عليا النعمة انتي حاجة متطورة

الحاجة عفاف: اصل الواد حمادة ابن اختي الله يرحمها واد فيه الخير وبييجي يطل عليا اول باول فجبهولي هدية عشان يسليني وبييجي دايما كل مدة ويحطلي عليه حاجات جديدة فساعات بيحطلي قران وساعت حلومة بقي والست كلثومة ولما قالي ان فؤاد الجديد نزل قلته ابقي نزلهولي

وانتي بتحبي فؤاد ياحاجة؟؟
جداااااااااا انامتابعاة من ايام شيكابيكا ياعم

ماشاء الله وايه الي بيعجبك في فؤاد ياحاجة؟؟
اغانية جميلة اوي والحانه مميزة صوته كمان ربنا يديله الصحة

بس انت انت بتسال ليه كده يابني انت قريبة ولا حاجه؟؟؟؟؟؟
هههههههههه لا ياحاجة بس بحبة جداااااا ودايما عندي الفضول اني اسمع اراء الناس في فؤاد

الحاجة عفاف: ده انا حتي فاكرة يوم فيلم اسماعيلية ده انا رحت حضرته في السيما انا والبت حمدية وكان مكسر الدنيا الفلم ده واتصورت مع فؤاد صورة جميلة

انتي كمان اتصورتي معاه ياحاجة؟؟؟؟؟؟؟؟ ازاي؟؟؟

اصلة كان جه بالعربية بتاعته باين بعد الفلم عشان يشوف الناس عجبها الفلم ولا ايه فانا رحت اتصورت بقي معاه

وعندك الصورة دي ياحاجة؟؟؟؟
قالتلي والنبي لجبهالك ياخويا استني كده

دخلت الحاجه اوضتها وقعدت تدور واسمع حاجت بتكسر جوا واصوات غريبة وبعدها بشويا طلعت ومعاها صورة

اهيه يابني

بصيت في الصورة لقيت فؤش ساند علي عربية كده وهيا متصورة جانبية فعلا

صادقة ياحاجه والله

وايه ياحاجه اكتر اغنيه عجبتك بقي في الالبوم الجديد؟؟؟؟؟؟

استغربت اوي لما قالتلي شايف نفسك لانها اكتر اغنيه الناس انتقدتها وقالت انها بتميل لنمط الاغاني الشعبية

قالتلي صوته حلو اوي فيها واغنيه روشة

روشة؟؟؟؟؟؟؟ طب اشطه ياحاجه والله

انا سعيد جدا ياحاجه بمعرفتك والله وربنا يديكي الصحة كده يارب ويقويكي

الحاجة عفاف:
والنبي يابني انا حبيتك وماتنساش تبقي تيجي تزورني بقي تاني وتلاعيبني كام دور كوتشينه (نسيت اقولكوا انها مدمنة كوتشينه وغلبتني جيمين)

من عنيا ياحاجة سلامو عليكوا

وعليكم السلام ياخويا

قد ايه يافؤش انت غير الكل ود ايه وصلت لقلوب الكل

واترك باقي التعليقات لكم وشكرا

[ندعوك للتسجيل في المنتدى أو التعريف بنفسك لمعاينة هذه الصورة]