والله العظيم قابلت فؤاد و سألته على كل حاجه

ازيكوا يا جماعه..انا بقالي كتيير ماشاركتش معاكوا عشان مكانش في حاجه جديده اقولها بس المره دي فيه[ندعوك للتسجيل في المنتدى أو التعريف بنفسك لمعاينة هذه الصورة]..كنت من يومين فى فرح واحد صاحبي وكان فؤاد بيغني فيه بعد ما خلص غنا دخلت انا و واحد صاحبي وراه الحمام [ندعوك للتسجيل في المنتدى أو التعريف بنفسك لمعاينة هذه الصورة] و فضلت اتكلم معاه ربع ساعه و كان جامد اووووي و فضل يتكلم معانا كأنه عارفنا من زمان..علي فكره هو خس جدا عن اخر مره ظهر فيها في دريم بس برضه لسه شويه..المهم سألته الشريط امتي قاللي انا سلمت الماستر و هاينزل علي أول أغسطس أنشاءالله قولنلوا عايزينوا قبل الصيف ما يخلص قاللي ماهو معاك شهر..مش كفايه؟..قولتلوا عايزين حاجه جامده بأه يا فؤش قاللى انشاءالله الشريط ده كل أغنيه هتسمعها هتحس أنك اول مره تسمع فيها محمد فؤاد و بعدين هزر معايا و قاللي دانا طلع عين الجابوني في الشريط[ندعوك للتسجيل في المنتدى أو التعريف بنفسك لمعاينة هذه الصورة] و بعدين قاللي بص من الآخر الأغنيه المتعجبكش في الشريط رجعهالى[ندعوك للتسجيل في المنتدى أو التعريف بنفسك لمعاينة هذه الصورة] سألتوا مين معاك فى الشريط قاللي وليد سعد..مجدي داوود..تامر عاشور..سألته علي أغنيه(صعب) النزلت بصوت تامر عاشور قاللى لأ خلاص شلتها من الألبوم و بعدين سألني هى عجبتك؟ قولتلوا بصراحه جامده اوي قاللي بس انا عملت(غصب عني) شبهها اوي و غنالي الحته بتاعت(صعب تاني نحب بعض)عشان يفكرني بيها قولتلوا عارفها طبعا..قاللي المشكله ان المؤلفين و الملحنين بيستسهلوا يعني لما يلاقوا حاجه نجحت معايا قبل كده يجبولي حاجه شبهها وانا بتعب اوي عشان اعمل حاجات مختلفه..سألته علي دويتو شيرين قاللي في دويتو بس مش في الشريط لسه بعدين..صاحبي سأله علي شريط عمرو دياب قاللي انا عجبتني (ضحكت يعني قلبها مال) قولتلوا انا عجبتني (خليك معايا) قاللي بص مادام واقفين بنتكلم علي الشريط و كل واحد عجباه حاجه ده معناه ان الشريط ناجح و عامل شغل مع الناس..سألته هتسيب روتانا؟ قاللي لأ مش هسيبها هي أه بتعمل مشاكل مع المطربين المصريين و بتحاربهم بس انا و عمرو بنلعبها صح و محدش بيعرف يعمل معانا حاجه..والله العظيم هو قاللي كده[ندعوك للتسجيل في المنتدى أو التعريف بنفسك لمعاينة هذه الصورة] بس هي دى اهم الحاجات التكلمنا فيها الباقي حاجات عاديه قبل ما يمشي قولتلوا ممكن صوره قاللى لأ...مش هتصور غير صورتين [ندعوك للتسجيل في المنتدى أو التعريف بنفسك لمعاينة هذه الصورة] واتصورت معاه انا و صاحبي و سلمنا عليه ومشينا...المهم انا طلعت من المقابله دي بحب الراجل ده أكتر من الأول ميت مره لأنه بجد محترم جداااا فى كلامه عن نفسه و عن غيره..متواضع جدااااااا لدرجه اني حسيت اني بكلم واحد صاحبي مش نجم كبير...فعلا الراجل ده خبره كبيره جداااا في الغنا و ذكي جدا في أختياراته و عارف هو بيعمل ايه وبيحاول ميقلدش نفسه او حاجه عملها قبل كده...زائد ان دمه خفيف مووووووووووت و فضل يهرج معانا كتير جدا...المهم انا لحد دلوقتي مش عارف ازاي نسيت اسأله أسم الألبوم أيه؟ بس بجد مجاش في دماغي ساعتها....فى الأخر بشكركم و بتمني الموضوع يعجبكوا و مستيين الشريط جدا الأنا متأكد انه هيبقى قنبله الموسم ده بس يارب مايتأخرش و ينزل فى الميعاد القاللى عليه[ندعوك للتسجيل في المنتدى أو التعريف بنفسك لمعاينة هذه الصورة]))

الموضوع منقول للمعرفه يا شباب حبيبي يا

مشكوووووور يا باشا لموضوعك المميز
تحياتى ليك

شكرا على الموضوع المميز دة

بجد الراجل ده طول عمره جدع وأبن بلد علي حق ويارب الآلبوووووووم ينزل في ميعاده بقي
وحشتنا يافؤش

ميرسي كتير والحوار كان ممتع ان حسيت انهم صحاب اساسا وميرسي كتير على التوبك

شكر على الموضوع المميز ده