افتكاسة عقلى التعبان .... عجبي

وانا بسلى وقتى النهرده واعده اتفرج على شوية افتكاسات قرأة حاجه عجبتنى اوى وشدنى ليها عنوانها ... وهى

افتكاسة عقلى التعبان ياله بينا نشوف ايه الحكايه :

.

يلا نبتدي

إييه رأيكوا لو نتعلم السياسة من أول أ ..ب ...لغاية ما نبقي شباب وليه رأي مهم و واقعي في عالمنا السياسي في مصر و العالم العربي.
عيب أوي .. لما نبقي متهمين بالخاية من العرب ــ بسبب معاهدة مخيم داوود ــ وما نقدرش نردد ..و نقعد نتشتم في غرف الشات العربي علي ذنب أحنا مالناش فييه
عيب أوي لما تحصل الأنتخابات الريئسية في مصر لأول مرة .. ومانعرفش ننتخب مين عشان مفكرناش نعرف يعني إييه إنتخابات و أحزاب .. وبرنامج إنتخابي ..
لأ وعيب أوي أوي أن نغرق في قنوات الأغاني و العري .. ولما ييجي برنامج سياسي نقلب القناة على طول .. لييه؟؟ عشان ما بنفهمش في السياسة!!

يلا بقي نتغير ونعمل حاجة ..
أنا مبقولش نبقي علماء .. ولكن علي الأقل نعبر عن رأينا صح .
رأي واقعي ومفهوم .. بعيد بقي عن المظاهرات اللى مابتجبش هـمها.

....... وناوووووو عاوزه اعرف رأيكم ايه

beautiful eye كتب:: وانا بسلى وقتى النهرده واعده اتفرج على شوية افتكاسات قرأة حاجه عجبتنى اوى وشدنى ليها عنوانها ... وهى
افتكاسة عقلى التعبان ياله بينا نشوف ايه الحكايه :
.
.
.
.
.
.
.

يلا نبتدي

إييه رأيكوا لو نتعلم السياسة من أول أ ..ب ...لغاية ما نبقي شباب وليه رأي مهم و واقعي في عالمنا السياسي في مصر و العالم العربي.
عيب أوي .. لما نبقي متهمين بالخاية من العرب ــ بسبب معاهدة مخيم داوود ــ وما نقدرش نردد ..و نقعد نتشتم في غرف الشات العربي علي ذنب أحنا مالناش فييه
عيب أوي لما تحصل الأنتخابات الريئسية في مصر لأول مرة .. ومانعرفش ننتخب مين عشان مفكرناش نعرف يعني إييه إنتخابات و أحزاب .. وبرنامج إنتخابي ..
لأ وعيب أوي أوي أن نغرق في قنوات الأغاني و العري .. ولما ييجي برنامج سياسي نقلب القناة على طول .. لييه؟؟ عشان ما بنفهمش في السياسة!!

يلا بقي نتغير ونعمل حاجة ..
أنا مبقولش نبقي علماء .. ولكن علي الأقل نعبر عن رأينا صح .
رأي واقعي ومفهوم .. بعيد بقي عن المظاهرات اللى مابتجبش هـمها.
....... وناوووووو عاوزه اعرف رأيكم ايه

انا معاكي في الفكره الجامده دي

اوكه ايه رأيك نبتى وانا هابدء السؤال ......

يعنى ايه سياسه ....؟

طيب ايه رأيك فى السياسه بتاعة اليومين دول ........ طب بلاش هو احنا بنتغير للاحسن ولا للاسوء ولا بنرجع لعصر الاحتلال .......؟؟

كفايه كده المرادى

موضوع جميل او ييا كات ومهم فعلا

لاني بجد بقيت حاسه ان معظمنا بقي تافه وبتهمنا اوي الحاجات اللي ملهاش اي لازمه

لكن الحاجات المهمه واللي بجد هتفيدنا بنبعد عنها ومبنحولش حتي نعرفها

معظم جيلنا دلوقتي ملهوش اي دعوه بالسياسه او بالمعلومات او باي حاجه

ملهوش دعوه بس غير بالاغاني والافلام والخروجات والكلام اللي مش بيدودي ولا بيجيب

ده بجد وللاسف اللي بلاحظه طبعا مش الكل كده بس الاغلبيه بقوا كده

وبالنسبه لموضوع الانتخابات يا كات هو يمكن عارفين هما عايزين ينتخبوا مين

بس المعظم طنش وقال انا مالي يعني هو انا صوتي اللي هينجح الراجل ده خليني قاعد وغيري اكيد هيصوتله

للاسف هو ده اللي بيحصل بس ارجع واقول ان مش كلنا كده لا في وفي بس الاغلبيه للاسف كده

هو بالنسبه للتغير احنا في حاجات بنتغير فيها للاحسن وفي حاجات للاسواء بكتير

يعني مثلا بالنسبه للتكنولوجيا والانترنت والانفتاح اللي حصل علي العالم كله ده اكيد ليه مميزات كتيره اوي

وفي نفس الوقت ليه عيوب كتيره برضه

وفي حاجت تانيه يمكن اتغيرنا فيها للاحسن لكن في نفس الوقت بنرجع ورا في حاجات تانيه

بنحاول نقلد الغرب في كل حاجه وبننسي اننا مسلمين وشرقيين ولينا عادات وتقاليد

ومينفعش كل حاجه بيعملواها الاجانب نقلدهم كده

ده رايي وبشكرا يا كات ع الموضوع الجميل اوي ده ومهم بجد

العفو على مرورك وانا معاكى ان التكنولوجيا احنا بنتقدم فيها بس تكنولوجيا الاتصالات بس ...

هاوضحلك كلامى عندك مثلا تكنولوجيا النقل البحري و البرى احنا بندمر نفسنا تخيلى

العربيه مثلا يبقى عمرها الافتراضى 10 سنين بتعيش اكتر من 80 سنه و نرجع نقول الحوادث بتكتر ليه على الطريق مهيا لازم تكتر تخيلى العربيه اللى عمرها 10 و قعدة 80 دى فرملها عمله ازاى هى اساسا برغم التجديدات اللى بتتعمل فيها عامله ازاى

وكمان تعالى للسكه الحديد احنا دمرناها مافيش مخصص اهلاك اتعمل ليها طبعا لازم تدمر ومش هانعرف نجدد حتى

تعالى بصى كمان على محطات الكهربه و الضغط العالى بتستهلك بطريقه فظيعه ومش كده وبس دى فى مدن فى مصر تخيلى مش فيها كهربه دى تبقى كرسه وموجوده فى سينا وعرب سينا عيشين من غير كهربه

تعالى بقى لمحطات ضخ المياه ... بلوه سوده تخيلى معايا بقى ........

يريحو نفسهم ويحطو نسب كلور عاليه تغير طع المايه و تسبب تسمم وده ليه يقلولك عشان نقتل الميكروبات اللى موجوده مهو انت بتقتل البنأدمين بردو

تيجى تتفرجى على الناس ماتلقيش واحد ناوووووو بقى سليم دا مصر فيها اكبر نسبه لمرضى فيرس سي و الكبد

بجد مهزله

تيجى ناوووو تبصى على الناس مشيه اه ودامك بس مشيه ميته اه والله

تيجى تتفرجى تلاقى البلد الزراعيه الاولى صاحبة حضارة وادى النيل ... بتجيب مهندسين يهود عشان يزرعو ارضها ومش عاوزه
تلاقى موبيدات مسرطنه و تلاقى اطعمه مسممه وتلاقى دقيق فاسد

تخيلى المصيبه الكبري بقى
الفول .... ايوه الفول بقينا بنستورده اه والله عيشى حياتك بقى هههههههههههه

البلد بتخرب واحنا وقفين نتفرج العيب مش فى الحكومه وبس ولا فى السياسه العيب فينا احنا

لان النفوس الضعيفه اللى بتسبب البلاوى دى احنا اللى سمحنلها تعمل فينا كده لو كل واحد بص للتانى وحاول يخاف عليه البلد دى هاتعمر بجد

فى الاخر ... احب اقلك ان مصر فى الايام الجايه هاتمر بمشكله فظيعه مرة بيها كوريا قبل كده

مصر هايحصلها كساد وركود اقتصادى رهيب ممكن يدمر مصر وده بسبب التوسع فى بناء العقارات و الاسكان الفاخر و مش انا بس اللى بتوقع ده ... فى خبرا فى الاقتصاد هما اللى صرحو بكده واللى ليه فى الاقتصاد هايفهم كلامى

نورتى التوبك

عندك حق والله يا كات في كلامك

في حاجات كتير اووي في مصر عايزه تتصلح ونلتفت ليها بس ع مين بقي الواحد بيدن في مالطه

كل واحد مكبر دماغه وبيقول يلا نفسي والمسؤلين كل همهم الجري ورا الفلوس والسلطه

لكن والله كل ده هيتحاسبوا عليه لان زي ما بياخدوا بالقوي لاوم يعملوا باللي بياخدوه

لكن خلاص مفيش ضمير

ومشكله الميه خلاص قربت كلها بس كام سنه ومش هنلاقي نقطه ميه

والله انا كنت بسمع وانا صغيره ان السنيين الجايه نقطه الميه هتبقي اغلي من نقطه البترول

ومكنتش متخيله بس دلوقتي الكلام ده فعلا بيتحقق ولسه ياما كتير

والمشكله ان احنا مش نبفوق غير لما تحصل حاجه وبعدين نرجع تاني ويرجع الوضع كما هو عليه

بحييكي تاني يا كات ع طرحك للموضوع الجميل ده

ميرسي ليكى انتى و انا عاوزه اقلك ان كل مصر بتفكر مش فى حد بيقف عن التفكير بجد الناس اتخنقة خلاص هاحكيلك حاجه كده هاتستغربي عليها :

راكبه تاكسى انا و ماما اوكه لقية السواء طفشان من البلد تخيلى مش طايق البلد عاوز يهاجر اه والله تيجى تفهمى الموضوع تلقيه بيقول ان البلد ما بقتش حنينه على اهلها تخشى اى حته تحسى انك صغيره برغم ان البلد مليانه فلوس بس الناس ماشيه مش لاقيه تاكل الطبقه المتوسطه اختفة

تخيلى بيقول ان الواحد اهون عليه يسافر يغسل صحون فى بلاد غريبه احسن ما يعد هنا على الاقل هالقى اكلا و البس و هالقي تقدير ..

بيقول تخيلى رايحه تعملى مشروع وبتقدمى ليه بتكرهيه قبل ما تعمليه اتفرجى على نفس الشخص لو راجع من بره و رايح يعمل نفس المشروع المعامله بتختلف

البلد مولعه على فكره وهايجي وقت هاتنفجر بس الله المعين ..........

سؤالى الجديد بقى ::

ما هي اقتراحاتكم لحل مشكله البطاله....؟