تقريبا انتي قلتي كل الاسباب اللي ممكن تؤدي للانحراف يعني مثلا :
*اول سبب بشوفه وهو انهم مش متمسكين اوي بدينهم وبعاد عنه بجد لان لو اي انسان متمسك
بدينه وعارف ربنا وقريب منه اوووي هيفكر الف مره قبل ما يعمل حاجه غلط.
* تاني سبب هو تفكك الاسره يعني غياب دور الاب والام وانشغالهم عن ابنائهم ومفيش رقابه
عليهم ويخرجوا ويرجعوا وقت ما هما عايزين وكمان عمرهم ما سمعوا كلمه لا منهم لا كل طلباتهم
اوامر وده سبب كبير بيخلي الشاب من دول يعمل الغلط وهو واثق مليون في الميه ان مفيش حد
هيساله انت عملت كده ليه او يعاقبه حتي .
* تالت سبب وهو الاصدقاء يعني لو الشاب يعرف اصدقاء وحشين واخلاقهم مش مظبوطه
اكيد ده هينعكس علي الشاب نفسه بمرور الوقت لان في كلمه سمعتها قبل كده ولقتها انها صح فعلا
هي ان ( الصاحب ساحب)يعني لو صاحبك ده كويس هياخدك معاه للطريق الكويس اللي هو
ماشي فيه وطبعا العكس لو غير كده يبقي خلاص غصب عنك من غير ما تحس هتلاقي نفسك
ماشي في سكته.
في الاخر معلش عايزه اقول حاجه ع جمله ميدو ماشي انا معاك ان اللي عايز يبقي كويس هيبقي كويس مهما كانت الظروف اللي حواليه
بس ساعات بيبقي الواحد عارف انه ماشي في طريق غلط ونفسه انه يبقي كويس بس محتاج
حد يقف جنبه وياخد بايده ويساعده انه يخرج من اللي هو فيه ويغير طريقه ويغير حياته كلها
للاحسن
معلش طولت عليكوا في كلامي
بشكرك يا عابره ع موضوعك الجميل اوي ده والمهم
الأربعاء 14 نوفمبر 2007, 10:49 am
