هو وهى مشيين على الكورنيش ..

هو وهى مشيين على الكورنيش .. الجو حار .. الشمس محرقة .

هي : عطشانة .
هو : وأنا كمان .
هي : يعنى ... عايزة اشرب!
هو : أكيد مادام عطشانة يبقى عايزة تشربي .
هي : المفروض – بما أن عندك إحساس يعنى – إني لما أقولك عطشانة تجيب لي حاجة ساقعة .
هو : ومين اللي هيحاسب ؟؟
هي : أنت طبعاً .
هو : منين ياحسرة .. ماانتى عارفة الكانز وغطاه .
هي : ماقلتش عايزة كانز .. كفاية إزازة صاروخ .
هو : طب لو هاتجيبى اعزمينى معاكى .
هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟
هو : عندك الكورنيش كله .. اختاري الرصيف اللي يعجبك .
هي : قصدي تعزمنى في مكان شاعري .
هو : في الحر ده .. ماينفعش .
هي : بلاش دى .. نأخد مركب عالكورنيش .
هو : المراكب بتغرق اليومين دول .. خلينا ع البر أحسن .
هي : بلاش المركب تعالى نأكل ترمس .. أظن ده رخيص .
هو : إنتى تضمني منين إن الراجل غاسل إيده وغاسل الترمس .
هي : أعوذ بالله .. إنت مقفلها كده ليه ؟؟
هو : بصراحة معييش فلوس .
هي :يا سلام!! .. ماأنت كان معاك إمبارح .

هو : إمبارح دخلت سينما مع بنت حلوة كده فالفلوس خلصت .
هي : بنت حلوه ؟؟!! وبتقولها في وشى .
هو : أكذب عليكى يعنى .
هي : لأ .. تحرق دمى أحسن .
هو : أنا مش شامم ريحه شياط يعني .
هي : يخرب بيت البرود .
هو : برود إيه ؟؟ ماهو الجو مولع أهو .
هي : إنت اللي بارد .
هو : بارد إزاى ؟؟ دا أنا بشُر عرق .
هي : بقولك إيه .. روحنى .
هو : أروحك ؟! هو إنتى ماتعرفيش تروحي لوحدك .
هي : آآآآه .. طب أنا ماشية .
هو : ليه يا حبيبتي؟؟
هي : حبك برص .
هو : والله برص بيفهم انه حبني.
هي : بجد كده كتير .
هو : كتير إيه ؟؟
هي : إرحمنى .. واضح إن الحر بيجى معاك بالعكس .. يا بارد .
هو : يعنى مصممة تمشى ؟؟
هي : أيوة وحالاً كمان .
هو : طب استني لما نوصل آخر الشارع .
هي : اشمعنى ؟؟
هو : أصل أنا ساكن هناك .. و مايرضكيش أروح لوحدى .
هي : لااااااااااااااااااااااااااااااااااااااااااااااااا ااااااااااااااا....اااا.اا.ا............
هو : ينفع كده ترمي نفسك في الميه مين هايوصلني بقى

ههههههههههههههههههه موضوع جامد تسلم ايدك

يسلم ردك ومرورك ياعاشق

ههههههههههههههههههه

بجد مالوش حل ايه الجمال دا ههههههههههههه
حلو اوي شكرااااااااااااااااااااااااااااااااااااااااااااااااااااااااااااااااا

هههههههههههههههههههههه
جامده
شكرا رباب

هههههههههههههههههههه
ايه البني ادم ده
مش ممكن
بس دمهم خفيف اوي
ميرسي ليكي يا رباب يا جميله

هههههههههههههههههههههههه
روعه
تسلم ايدك

ههههههههههههههههههههههههه ياربي منو ههههههههههههههههه بجد حلوه اوووووووووووووووووووي

الف شكر ليكم يااحلي شباب في الدنيا