اقروا للاخر و مستني ردودكم

ايه شعورك لما تلاقي حد بيموت ادامك و محتاجك جنبه
سبب موته ده تعب شديد اوي عنده و انت في ايدك تقف جنبه و تعمل معاه الي محدش عارف يعمله

هتمدله ايدك و تساعده؟

طب ساعدته و عملت معاه الي اقرب الناس اليه معرفوش يعملوه و اديته امل في الحياه

فاق
قدر يقف علي رجله
بس حبك و انت كمان حبته

ملاك ادامك بيحبك اوي و بتحبه اوي و بيسمع كلامك الصغيره قبل الكبيره
كان بيقولك علي كل حاجه حتي لو كان هضايقك
و لو زعلان منه يموت و يعمل المستحيل علشان ترضي عنه

و انت كمان بتحبه اوي و ساعدته في علاجه
و كنت بتموت لما يتعب
كنت بتسهر الليل تبكي و تدعيله علشان يخف و يبقي كويس
لما كل الناس تقسي عليه تخده في حضنك و تهديه و تعمله الي عايزه

رايح تقابله مجهز نفسك عمال بتفكر
ياتري هيبقي لابس ايه
هيستقبلني ازاي
هنعمل ايه
كانك اول مره تقابله

و تتقبلوا زي كل مره و تقضوا يوم جميل اوي
تحس انه حته منك و هو كمان عنده نفس الاحساس و اقوي

ملاك اوي و طيب اوي و كل اصحابه و اهله بيقولوا كمان كده

في لحظه يقولك انا هسيبك
تسال ليه يقولك انا مش عايز اظلمك معايا
انا خلاص بموت و الدكتور قال كده
تبكي بدل الدموع دم و هفضل معاك
يقولك لا
انا مش هسمح لنفسي اعلقك معايا
تحس بحبه اوي و تتمني تعمل اي حاجه و متسيبهوش

لكن............

القدر يجي يقولك استني
تكتشف و بالصدفه ان الشخص ده كداب
و انه مش بيموت و لا حاجه
و انه يمكن اصلا ميكونش تعبان
و ان كل الناس الي حوليه اتصدموا فيه زيك بالضبط

تسال نفسك ليه عمل معايا كده
و انا الي وقفت جنبه و ضيعت كتير علشانه
متلاقيش و لا اجابه
و تساله متلاقيش عنده الا الصمت

دلوقتي شعورك ايه؟
رد عليا شعورك ايه؟

يلرب يكون الموضوع عجبكم

و ياريت اسمع ردودكم علي الموضوع