اقوى حدث لمحبى محمد فؤاد

العنوان
تفاصيل اقوى حدث لمحبى فؤاد ... حقق حلمك ... اثبت نفسك ... احنا الفؤادية


حقق حلمك ... اثبت نفسك ... احنا الفؤادية

اقوى حدث لمحبى محمد فؤاد
.
.
.
جارى التنفيذ ... !!

بالمناسبة ماهو اقوى حدث لمحبى محمد فؤاد كما سمى فى المجلات ومواقع الانترنت؟ (للى مايعرفش)

هو تجمع اكبر عدد من محبى محمد فؤاد فى يوم واحد ومكان واحد للتعبير عن حبهم لفؤاد يوم صدور الالبوم القادم

وليد عفيفى هوا صاحب هذه الفكرة وهوا ايضا صاحب بوستر فؤاد المركب الذى انتشر على مواقع الانترنت وبالفعل حقق دعايا كبيرة للالبوم

بالنسبة لتفاصيل اليوم ده باختصار كده :
1- التجمع لاكبر عدد ممكن لمحبى فؤاد فى مكان قريب من سيتى ستارز
2- شراء الالبوم من فيرجين ميجا ستورز فى سيتى ستارز
3- تعرف الفؤادية على بعضهم واخد صور فوتوغرافية
4- النزول فى الشوارع حاملين بوسترات فؤاد الى ان نصل لاستديو فؤاد
5- يوجد سيارات بها سماعات دى جى ومايكروفون لتشغيل نشيد فؤادى جارى تحضيره . غير ان فيه ناس هتييجى بعربيات وهتشغل البوم فؤاد
6- الاحتفال مع فؤاد بالالبوم


اهم حاجة بقى
فيه صحفيين جايين من جريدة عين ووشوشة يعملوا لقاءات ويصوروا الحدث وبالفعل اتكتب عن الحدث ده فى جريدة عين
وان شاء الله هنجيب الاذاعة والتلفزيون قناة دريم او كده تغطى الحدث
وفؤاد عرف بالحوار ده واكيد هينتظرنا عشان يبقى معانا
واكيد طبعا عدد كبير زى ده هتبقى الشرطة ماشية معاه
ياعنى هتبقى ليلة من اجمد الليالى وتحس انك فخور بانك فؤادى



طيب ايه الجديد ؟
الفكرة بقى
طبعا فيه ناس مشاركة من هنا ومن مواقع فؤاد الاخرى ومن جروبات الفيس بوك
كل واحد فؤادى هيكلم صحابه او قرايبوا اللى بيحبوا فؤاد ويحكلهم تفاصيل اليوم ده واكيد فيه ناس كتير هيوافقوا ييجوا

انا و وليد اول ناس طبقنا الموضوع ده

وبإزن الله هيطلع اوتوبيس من اسماعيلية كله ناس بتحب فؤاد و
ده فكرة اللى بيحبوا فؤاد بس مش مشتركين على سايتات فؤاد ياعنى

تخيلوا بقى لو كل واحد جاب معاه خمسة بس هنبقى عاملين ازاى

يا جماعة احنا هدفنا واحد وهوا اثبات جماهيرية محمد فؤاد واثبات ان محمد فؤاد هوا اكبر مطرب فى مصر ويحتوى على اكبر عدد من المحبين

يالا يا جماعة كله هيبان مين بيحب فؤاد ... ومين بيحب يسمع فؤاد بس

عاوزين نقلب القاهرة

عاوزين التاريخ يتكلم عن الحدث ده

عارفين ياعنى ايه 1000 واحد ماشين بيقولوا فؤاد فى الشارع

على اد مالعدد هيبقى كبير على اد مانت هتكون ماشى بثقة

مش هتكلم كتير عشان انا جوايا كلام اد ده اضعاف

بس هقول حاجة واحدة منتظر المشاركات

عاوز اقول اقوى حدث لمحبى فؤاد حقيقة

كل واحد بيحب فؤاد يقولى
انا جى ..... وجايب ناس معايا

لو عاوز تشارك
1- ضيف نفسك هنا : [ندعوك للتسجيل في المنتدى أو التعريف بنفسك لمعاينة هذا الرابط]
وده معمول مخصوص للحدث

ملحوظة : غالبا اليوم ده هيكون يوم الخميس (الوقفة : الجمعة) عشان محدش يقول انا مش فاضى


كده يبقى باقى موضوعين عن اقوى حدث وهما
1- اسماء الناس اللى مشاركة معانا من هنا
2- تفاصيل اليوم من حيث المكان والزمان بعد مانتفق عليه

فعلااااااااا حدث رائع ياباشاااااا
وأن شاء الله يكون ألبووووووووووم جاااامد جدااااا